Драги пријатели/читатели,

од 8 до 14 септември ќе се одржи годинашниот скопски Саем на книга, кој традиционално се случуваше напролет (април, мај), но од оправдани (здравствени) причини овој пат ќе ни овозможи со Вас да се дружиме на крајот од летото, под шатори, на паркингот пред Аква паркот во спортскиот комплекс „Борис Трајковски“. И овој пат Ви нудиме возбудлива литература преку новите романи на Фросина Пармаковска и Петар Андоновски, преводна литература во која предничат романите на Горан Војновиќ (Смоква), Зоран Фериќ (На осамнеиот брег покрај морето) и Ијан Рид (Се мислам да ставам крај), а да не заборавиме дека наши годинашни, актуелни изданија се и новите книги на Елизабета Баковска (Во главата слушам песна), Калина Малеска (Облици на моќ во современата книжевност), Игор Анѓелков (Шрапнел), а на Ваше барање и интерес, ги реиздадовме „Улиците што ги нема“ од Оливера Ќорвезироска и „Одбројување“ на Пармаковска. Во прилог е саемскиот каталог, а на увид на оваа веб страна ги имате сите наши изданија досега сместени во различни едиции. Направете квалитетен избор, и се гледаме на Саем.

Напомена: саемските цени од 8 до 14 ќе важат и во книжарница!

ИЛИ-ИЛИ,

Ваше право на добра КНИГА!!!

 



ИЛИ-ИЛИ © 2014 | Авторските права се задржани