КРЕАТИВНА ЕВРОПААхмет Хамди Танпинар (1901-1962) е еден од најистакнатите современи романсиери и есеисти во турската литература. Тој беше и пратеник во турското собрание во периодот од 1942 до 1946 г.
Факултетот за книжевност го завршува во Истанбул, каде што преку својот професор, познатиот поет Јахја Кемал (роден во Скопје) влегува во книжевните кругови. Работел како професор по книжевност во гимназиите во Истанбул, Анкара и Ерзурум, а од 1933 г. работи како професор по историја на уметност на Академијата за ликовни уметности во Истанбул, каде подоцна предава естетика и митологија, и каде што останува се до својата смрт.
Негови најпознати дела се: „Сништата на Абдулах ефенди“ (1942, збирка раскази), „Пет градови“ (1945, есеи), „Душевен мир“ (1949, роман), „Институт за регулирање на времето“ (1961, роман, ИЛИ-ИЛИ 2012).
Посмртно се објавени делата „Зад сцената“ (1973, роман), „Жена на месечина“ (1987, роман) и „Меѓу два огна“ (1999, сценарио).
-
Институт за регулирање на времето
250,00 денРоманот „Институт за регулирање на времето“ на специфичен начин го проблематизира современиот турски идентитет, којшто повеќе го задржува одошто го отстранува „османлиското“ во себе, и се смета за книжевно ремек-дело на иронијата и сатирата на турското општество на преминот од Империја во Република. Според критичарот Ердаг Ѓокнар, „Иститут за регулирање на времето“ е редуктивна перцепција на Турција како нација, приклештена меѓу Истокот и Западот, односно на нејзиниот постепен премин од едната кон другата насока, и според која разбирањето на Турција на утрешнината лежи во разбирањето на нејзиното неодамнешно Османлиско минато. Романот маестрално и иронично ја опишува состојбата на бирократскиот фетишизам, преку една непродуктивна организација (Институт) која на крајот пропаѓа, но ќе продолжи да живее преку „постојаната комисија за надзор“ на чело со еден од главните јунаци – Халит Регулаторот. Читателот, без оглед на претерано карикираните ликови и апсурдниот тек на настаните, ќе се смее до солзи кога ќе ги чита вистините за своето општество, за кога ќе заврши со читањето, на лицето да му остане горчлива и тажна насмевка.
480,00 ден -
Душевен мир
300,00 денРоманот „Душевен мир“ на класикот Ахмед Хамди Танпинар досега е преведен на 30 јазици ширум светот, и со право, бидејќи неговата универзалност не познава граници. Се работи за првиот роман во турската литература кој дискутира за проблемот на вестернизација на турското општество преку класната совест и непремостливите разлики во неговото суштинско ткиво.
Во ова бравурозно дело авторот ги доловува деталите преку колаж од различни ситуации и незаборавни карактери, кои ги доловува до најмалиот психолошки детаљ. Конфликтот на Западот и Истокот, традиционалното и новото, индивидуалноста наспроти социјалната одговорност, ова се темите кои се прекршуваат во умот на главниот луик Мумтаз, кој мора со нив да излезе на крај, бидејќи тој е претставник на генерацијата помеѓу.
Растејќи со траумите од војната, тој не може да најде соодветни одговори на прашањата од егзистенциална природа ниту во религијата, ниту во љубовта. Токму затоа Танпинар остава отворен крај за да можат читателите барем за момент да бидат вистинските одгатнувачи на фаталната вистина за животот, кој на овој или оној начин крие безброј тајни и искушенија низ кои треба да се помине.
390,00 ден