Со задоволство Ве информираме дека денеска од печат излезе збирката раскази „Далеку од Ирска“ на класикот Вилијам Тревор. Ова е прв превод на негово дело на македонски јазик, зад кој стои преведувачот од англиски јазик Ацо Пероски.

„Далеку од Ирска“ е избор од расказите на Вилијам Тревор кои ги обединува тоа што дејството е сместено надвор од родната земја на авторот но во кои Тревор го истражува познатиот терен: малите таги и радости што што го сочинуваат нашето секојдневие. Во расказите во оваа книга можеме да го засведочиме елегантниот и луциден стил на овој автор.

Магазинот „Паблишерс викли“ за авторот напиша: „Тревор е мајстор на кратката фикција. Неговата внимателно напишана, лирска проза, истовремено иронична и елегична, е невозможно да ја испуштите од раката. Неговите приказни се длабоки, емотивни и незаборавни.“

#CreativeEurope4Books