Урс Видмер е роден 1938 година во Базел, во семејство каде со генерации се негувала литературата. Студирал Германистика, Романистика и Историја, најпрво на Универзитетот во родниот град, а потоа и две години во Париз. Докторирал на тема „Германската литература по војната”. До 1968-та работел како лектор во двете најугледни швајцарски издавачки куќи, а откако заедно со уште неколку колеги ја формираат „Издавачка куќа на авторите”, и самиот решава да стане автор.

Во 1985 година ја добива главната награда од фондацијата на швајцарски писатели за неговото севкупно творештво, а во 90-те станува член на германската академија за јазик и поезија, која исто така му доделува награда за целиот книжевен опус.

Негови најзначајни дела се: „Швајцарски приказни”, „Индијанско лето”, „Рајот на заборавањето”, „Љубениот на мајката” и „Книгата на таткото”.

  • Книгата на таткото

    „Книгата на таткото“ претставува некролог на своеволието, оддалеченост од реалноста и опседнатост со литературата на еден фанатичен човек, кој го заборава светот околу себе и кој имал среќа да и’ го препушти реалниот живот на својата жена. Затоа оваа книга воопшто не е книга на таткото, туку е роман за еден човек, кој се вљубува во литературата.

    Во ова литерарно изјавување на љубов, Видмер, за инает на целата семејна трагичност, дава еден иронично ведар тон и притоа умешно ги поврзува семејната хроника и историјата.

    100,00 ден330,00 ден
  • Љубениот на мајката

    „Љубениот на мајката” е голема, вознемирувачка приказна, во која честопати ќе се соочите со горчливиот вкус кој со себе го носи реалноста, меѓутоа, Видмер е раскажувач со таква елеганција, леснотија и хумор, што дури и ова тажно набљудување на мајката, главниот лик во романот, претставува вистинско задоволство за читателот.

    Стравот, осаменоста, загубата, загриженоста – тоа се состојбите што тој ги опишува на виртуозен начин, секогаш вметнувајќи трошка надеж, која цело време ја чувствува и раскажувачот, кој најдобро знае дека мајчината љубов е залудна.

    Ова е грациозна, мала книга, која не треба да ја пропуштите.

    230,00 ден