Драги читатели,

Хана Корнети дебитираше пред три години со збирката раскази „Млечни заби“, која помина одлично меѓу Вас, читателите. Утре го објавуваме нејзиниoт нов ракопис кој, интересно, е наменет за младата публика. Имено, „Илина и шумските тролови“ е возбудлива приказна за истоимената хероина, која влегува во свет за кој сме сигурни дека ќе им биде возбудлив и на повозрасните читатели.

Краткото сиже за книгата вели: „Наместо здодевен ден на село, Илина е вовлечена во една голема авантура: шумскиот трол Папрат ја бара нејзината помош за да ги спаси скаменетите пријатели од една лоша вештерка. Но ништо не е баш така како што изгледа во свет каде што гатачките не ја знаат иднината, враните никако да се најадат, на мачорите навидум сѐ им е јасно, а бои и мириси се собираат во теглички“.

Ова е шеста книга во нашата едиција за деца „И ете приказна“, и особено сме горди на неа.

Проверете зошто 😉