Ќе ви плукам на гробовите

Од (автор)Борис Вијан

200,00 ден330,00 ден

Без сомнение, сите романи на култниот француски писател Борис Вијан се подеднакво вредни за внимание. Но, „Ќе ви плукам на гробовите“ зазема посебно место во неговата библиографија, бидејќи се појави во време кога никој не очекуваше вакво пецкаво четиво кое вознемири многумина.

Романот излезе во бурните години по Втората светска војна како резултат на облогот кој падна меѓу Вијан и младиот издавач Жан Делуан, кој не веруваше дека може да се случи успешна книга на француски јазик која кокетира со ултра популарниот жанр во тоа време меѓу публиката, американскиот „роман ноар“. На крајот испадна дека облогот се исплатеше, и на читателите им требаше долго време да сфатат дека писателот и преведувачот се иста личност, бидејќи романот беше потпишан со псевдоним.

Освен тоа, Претседателот на Здружението за социјални и морални активности во Франција покрена тужба против делото заради повреда на моралните вредности. Романот беше прогласен за „порнографски“, но тоа само додатно помогна во неговата промоција и истиот се продаваше како алва. Набргу на страниците за „Црна хроника“ осамна и приказната за трговецот кој ја убил љубовницата потоа одземајќи си го и својот живот, а полицијата крај неговото тело ја пронашла токму книгата на Вијан, отворена на страната каде книжевниот херој ја убива својата девојка, по што легендата за романот веќе си зазема место во историјата.

Или, талентираниот Борис Вијан со својот горчлив стил и острите реченици кои сечат како сатар несомнено ја поседува уметноста на неизвесноста, создавајќи драматично четиво кое изобилува со жешка атмосфера, исполнета со блудни нешта. Но, на провокативниот разврат му опонира со жигосување на одвратниот расизам, отворено изразуваќи го презирот кон сегрегацијата и кон лицемерието, кои се како брат и сестра.

Величествено!

ШИФРА: 35
Едиции:,
Автор/ка

Година на издавање

2010

Број на страници

173

Превод/Препев

превод од француски: Катерина Кировска

Борис Вијан (1920-1959) е француски писател, музичар, преведувач и актер. Тој е една од најзначајните фигури на француската џез-сцена во 30-те години и еден од клучните француски книжевници на 20 век.

Неговите дела изобилуваат со пародија, црн хумор, бизарност и шокантност. Пишувал поезија, драми, раскази и романи, кои најчесто ги објавувал под псевдоним заради бројните судски процеси за неморал покренати против неговото книжевно творештво.

Критичарите за негови најзначајни дела ги издвојуваат „Ќе ви плукам на гробовите“, „Есен во Пекинг“, „Пената на деновите“ и „Вадисрце“, сите преведени на македонски јазик во издание на ИЛИ-ИЛИ.

Коментари на клиенти

Сè уште нема коментари.

Само најавените клиенти кои ја купиле оваа книга може да остават коментар.