Имитатор

Од (автор)Хари Кунзру

300,00 ден450,00 ден

„Имитатор“ е приказна за Пран Нат, момче од Индија чијашто невообичаено бела кожа се смета за знак на неговото благородно потекло. Неговиот блажен детски живот одеднаш се нарушува кога ќе се открие кои се неговите вистински родители, така што од благородник Пран преку ноќ станува скитник, кој ги открива сите мрачни страни на Британската империја на почетокот од XX век. Патувајќи низ кралствата во Пенџаб, па во Бомбај, Лондон, Оксфорд и најпосле во Африка, Пран Нат неколку пати го менува својот идентитет, на крајот станувајќи совршен Англичанец и перспективен антрополог по име Џонатан Бриџмен. Иронично, во текот на неговата антрополошка експедиција, тој открива и што значи да се биде белец помеѓу дивите племиња во Африка.

Напишан во стилот на класичните авантуристички романи, но поставен низ современа постмодерна перспектива, „Имитатор“ е едно од оние ненаметливи големи дела кои третираат важни прашања од современиот живот (поврзани со политиката, моќта, расата, сексуалноста, домот и љубовта), а сепак му овозможуваат на читателот да доживее и исклучително книжевно задоволство.

ШИФРА: 129
Едиции:,
Автор/ка

Година на издавање

2016

Број на страници

492

Превод/Препев

превод од англиски: Ацо Пероски

Хари Кунзру е британски писател и новинар со потекло од Индија. Роден е 1969 година во Лондон, во етнички мешано семејство.

Својата кариера ја започнува како новинар и колумнист во некои од најзначајните британски весници и списанија, а во 2003 го објавува својот прв роман „Имитатор“, за кој добива повеќе престижни национални награди, и оттогаш важи за еден од најперспективните и најдобрите млади автори во литературата на англиски јазик. Пишува романи и раскази.

Покрај неговиот првенец, како позначајни дела се издвојуваат и книгите „Врева“ (2005), „Моите револуции“ (2007), „Богови без луѓе“ (2011) и „Палата на спомените“ (2013).

Коментари на клиенти

Сè уште нема коментари.

Само најавените клиенти кои ја купиле оваа книга може да остават коментар.