Животот и времињата на Мајкл К.

Од (автор)Џон Куци

300,00 ден

Добитник на Букеровата награда, романот на нобеловецот Џ.М Куци „Животот и времињата на Мајкл К“ се одвива во Јужна Африка за време на војната во ерата на апартхејдот. Мајкл К, повлечен и осамен градинар, роден со зајачка усна и уште од мал исмејуван и неприфатен поради физичката непривлечност и умствената бавност, решава да и’ помогне на својата болна мајка и да ја одведе на фармата од нејзиното детство, подалеку од војната во градот. По пат мајка му умира, а тој продолжува да ја бара фармата, носејќи ја со себе пепелта на мајка си.

Обидувајќи се да избега од луѓето, од насилствата и ужасот на војната и воените логори, но не секогаш успешно, преживува сам во опустошените и напуштени предели на Јужна Африка. Неговиот најголем непријател не е природата која тој како градинар успева да ја скроти, туку агресивноста и десктруктивноста на човекот.

Овој роман, незатруен од политички поенти, полн со длабоко потресни и лирски сцени, зборува за односот на човекот кон општеството воопшто, но и обратно.

Распродадено

ШИФРА: 11
Едиција:
Автор/ка

Година на издавање

2006

Број на страници

175

Превод/Препев

превод од англиски: Румена Бужаровска

Џон М.Куци е роден 1940 година во Кејптаун, Јужноафриканска република. Високото образование го стекнал во родниот град, а постдипломските студии ги продолжил во САД, каде долго време работел како професор на повеќе Универзитети.

Куци на светската јавност и е познат по романите „Чекајќи ги варварите” (1980), „Животот и времињата на Мајкл К” (1983), за која ја добива престижната Букерова награда, како и по романот „Срамота”, кој исто така му ја носи Букеровата награда, со што станува единствен автор кој двапати го добил ова угледно признание.

И како врв на својата писателска кариера, во 2003 година на Куци му е доделена Нобеловата награда за литература, всушност, за севкупното негово творештво, во кое романот „Животот и времињата на Мајкл К” зазема значајно место.

Коментари на клиенти

Сè уште нема коментари.

Само најавените клиенти кои ја купиле оваа книга може да остават коментар.