Ништо

Од (автор)Ханиф Курејши

370,00 ден

Во својот роман „Ништо“, Курејши нè воведува во светот на Валдо – пензиониран режисер прикован за кревет, чие секојдневие е исполнето со сомнежи, горчина и саркастични размисли за животот, љубовта и предавството. Со ограничен физички простор, но бескрајно активен внатрешен монолог, Валдо се сомнева дека неговата сопруга има афера со неговиот поранешен пријател. Така започнува психолошка игра на манипулации, каде што читателот постојано се прашува: дали Валдо е жртва, или тој е вистинскиот манипулатор?

Романот е краток по обем, но содржински густ. Курејши, како и во своите претходни дела, не се воздржува од провокации – отворено зборува за телото, желбата и немоќта, со стил полн со иронија и остроумие. Ништо тука не е пристојно: ниту карактерите, ниту разговорите, ниту мислите. Приказната е полна со театрални пресврти, злоба и груба искреност, а нараторот, очајнички духовит и опасно самосвесен, не дозволува да ја тргнете книгата од раце.

„Ништо“ е кратка, боцкава медитација за смртноста, исполнета со нихилистичка наслада. „Ништо“ е како шлаканица: болна, но тешко ќе ја заборавите!!!

ШИФРА: 241
Едиција:
Автор/ка

Број на страници

137
Година на издавање

2025
Превод/Препев

превод од англиски: Милан Дамјаноски

Ханиф Курејши (1945) е британски романсиер, драматург и сценарист со индиско-пакистанско потекло. По преселувањето во Англија, завршува философија во Лондон, паралелно пишува и ја објавува својата прва драма во 1976 година. Во 1985 година го пишува сценариото за филмот „Мојата прекрасна пералница“, кој заработи номинација за Оскар.

Неговиот прв роман, „Буда од преградието“ (1990) ја доби наградата за најдобар дебитантски роман, а подоцна беше екранизиран во ТВ серија на Би-би-си.

Романот „Интимност“ (1998) исто така се најде на филмското платно, и заработи две „мечки“ на Берлиналето. На одличен прием кај македонската читателска публика наиде и романот „Нешто да ти кажам“ (2008), кој го сметаат за еден вид пандан на „Буда“ – и обата романа претставуваат коментар на едно време, само што младешкиот занес на Карим е заменет со помирувањето со средното доба и сиот негов багаж на Џамал.

„Последниот збор“ (2014) исто така наиде на одличен прием кај читателите, а со фантастично провокативниот роман „Ништо“ авторот го зацврсти своето место на листата со 50 најзначајни британски автори по Втората светска војна, како врв во неговото досегашно творештво.